Anatomía. Harmonía e ritmo do debuxo do corpo

Enlace con ilustracións e imaxes relacionadas coa anatomía aplicada ao debuxo artístico.

E, a continuación, o vídeo que xa vimos na aula acerca do debuxo de figura, centrando a atención nos ritmos liñais e no equilibrio formal.

Traballo 13

PAU 2003. Xuño. Opción 1. Realizar un debuxo onde interveñan tres prismas de base rectangular de distintos tamaños; un deles deberá estar superposto ós outros dous, o foco lumínico situarase á esquerda dos corpos. DINA3 a grafito ou carboncillo (poderase facer a tinta se é a base de aguadas cunha correcta valoración de luces e sombras).

Ingres e a súa pegada na obra doutros artistas

 Ingres no Museo do Prado

Unha retrospectiva do pintor francés chega por primeira vez ao Museo do Prado. As súas obras perviven en artistas como Michael Jackson, Picasso, Man Ray, Cindy Sherman ou Godard

Para ver algúns exemplos, pincha aquí

E tamén podes ver un video sobre a exposición 

Traballo de Nadal. Composición e valoración

Primeira parte: Elaborar unha composición equilibrada (bodegón ou figura) da cal se tomarán fotografías desde diferentes puntos de vista, ata conseguir a definitiva, que me enviaredes por mail mariaalvarez@edu.xunta.es  (en minúsculas)   na semana de entrega.
Haberá que ter en conta os seguintes aspectos:

• Tema
• Encadre
• Proporción
• Perspectiva / P.de vista
• Luz
• Claroscuro
• Cor
• Relación figura / fondo
• Textura

Segunda parte: Representar a composición elixida con tres técnicas gráficas, incidindo na valoración (traballo de luces e sombras) principalmente. As técnicas serán: tinta (con pincel), carboncillo e outra libre. Todas a DINA3.

Lembrade que tedes varios recursos colgados neste blog para refrescar coñecementos de valoración
http://odebuxodemaria.blogspot.com.es/2015/10/para-os-alumnos-e-alumnas-que-tenan.html

Traballo 12._Exame PAU 2015. Xuño. Opción B

1. Realizar un debuxo onde interveñan como mínimo tres elementos, de entre os seguintes instrumentos musicais: un tambor, unha trompeta, un saxofón, un piano e unha guitarra española. A organización do debuxo e a súa composición fundamentaranse na situación espacial dos obxectos, nas súas proporcións e nas relacións de claroscuro.

2. Con técnica libre* realizar unha interpretación da obra de CANALETTO (Giovanni Antonio Canal), c.1723-1724: Piazza San Marco. Óleo sobre tea, 141,5 x 204,5 cm. Museo Thyssen-Bornemisza, Madrid.

* Como base da interpretación partiremos dunha estrutura liñal, documentándonos sobre a obra da pintora portuguesa Vieira da Silva

Traballo 8: Traballar o concepto de "Racismo" empregando o estilo visual e conceptual de Juan Genovés

Traballo 7: Interpretación de "Dejeuner sur l'herbe" de Edouard Manet

Criterios de cualificación

DEBUXO ARTÍSTICO II

Criterios de cualificación

Os criterios de cualificación a ter en conta na avaliación de cada traballo polo profesor/a serán os seguintes:

• Aplicación correcta dos contidos conceptuais adecuados á consecución da mensaxe proposta.
• Dominio das técnicas de debuxo e posta en práctica para a consecución da mensaxe proposta.
• Manexo correcto dos instrumentos e materiais empregados.
• Presentación e acabado dos traballos, tendo en conta a limpeza, claridade e orde.
• Adecuación ás instrucións e condicións postas polo profesor para cada traballo.

O resultado de cada avaliación virá dado pola media dos traballos e probas avaliadas e terá en conta o grao de consecución dos obxectivos formulados nesta programación e a evolución do alumno/a durante o curso.

Cada trimestre faranse dúas probas avaliables (excepcionalmente poderá ser unha máis se é necesario), que poderán ser de carácter teórico ou práctico e que suporán o 50% da nota. Avaliaranse tamén un mínimo de catro traballos con nota numérica, que suporán o outro 50% da nota, empregando os demáis para comentario conxunto na aula e axuste de nota (non terán un peso de máis do 10%)

Non se fará media se as notas de exame ou do conxunto dos traballos do trimestre non chegan ao catro.

Os traballos entregados fóra de prazo só se recollerán se o alumno/a non asistiu ás clases na data prevista para a súa entrega por falta xustificada e documentada oficialmente (mediante xustificante médico ou similar), en aplicación das normas impostas polo centro para a realización de exame. Ditos traballos deberán entregarse en canto o alumno se incorpore despois da falta.

Información para o alumnado sobre os criterios de avaliación

INFORMACIÓN PARA O ALUMNADO SOBRE OS CRITERIOS DE AVALIACIÓN

DEBUXO ARTÍSTICO II – CURSO 2018 / 2019

Procedementos e instrumentos de avaliación

Os alumnos/as serán avaliados da materia mediante os seguintes instrumentos:

• Traballo na aula, con correccións do profesor/a e anotación por parte deste/a acerca do emprego dos distintos materiais, aplicación das correccións recibidas progresión, e carencias a corrixir.
• Presentación de traballos sobre os contidos do curso, realizados na aula e na casa, seguindo as instrucións dadas polo profesor/a en canto a formato, técnicas, materiais, etc, que se deberán entregar nas datas indicadas.
• Realización de probas teórico-prácticas nas que se poñan en práctica os contidos esixibles, no tempo indicado polo profesor/a e seguindo as instrucións que se dean.

Criterios sobre a avaliación, cualificación e promoción do alumnado

Os criterios de cualificación a ter en conta na avaliación de cada traballo polo profesor/a serán os seguintes:

1. Aplicación correcta dos contidos conceptuais adecuados á consecución da mensaxe proposta.
2. Dominio das técnicas de debuxo e posta en práctica para a consecución da mensaxe proposta.
3. Manexo correcto dos instrumentos e materiais empregados.
4. Presentación e acabado dos traballos, tendo en conta a limpeza, claridade e orde.
5. Adecuación ás instrucións e condicións postas polo profesor para cada traballo.

O resultado de cada avaliación virá dado pola media dos traballos e probas avaliadas e terá en conta o grao de consecución dos obxectivos formulados nesta programación e a evolución do alumno/a durante o curso:

Instrumentos de avaliación	Nº traballos avaliables	Ponderación sobre a nota
Traballo na aula	Diario	10 %
Traballos semanais	Catro / cinco por avaliación	40 %
Probas prácticas	Dúas por avaliación	50 %
Traballos a maiores / excelentes	Catro / cinco por avaliación	Até un punto máis na nota (10 %)

Non se fará media se as notas de exame ou do conxunto dos traballos do trimestre non chegan ó catro.

Os traballos entregados fora de prazo só se recollerán se o alumno/a non asistiu ás clases na data prevista para a súa entrega por falta xustificada e documentada oficialmente (mediante xustificante médico ou similar), en aplicación das normas impostas polo centro para a realización de exame. Ditos traballos deberán entregarse en canto o alumno se incorpore despois da falta.

Todos os traballos elaborados polos alumnos/as deberán permanecer en posesión do profesor/a ata finalizar as datas oficiais de reclamación ás cualificacións.

Organización das actividades de seguimento, recuperación e avaliación das materias pendentes

Mecanismos para recuperar unha avaliación non superada

Se a avaliación non foi superada por falta (ou pouca calidade) de traballos entregados, indicarase a cada alumno/a os traballos que debe volver a realizar e que se entregarán nunha data fixada da terceira avaliación. Nalgúns casos se recuperará a nota dun traballo por medio de traballos posteriores que serven para avaliar o mesmo estándar, polo que non se pedirá a repetición dos traballos anteriores. No caso de ter faltado a exames por causa xustificada e debidamente documentada, repetirase o mesmo. Se non houbese xustificación, o alumno poderá presentarse ao exame final de xuño. Igualmente, os alumnos que non acaden o aprobado nalgunha avaliación por non ter chegado ao catro nas probas teórico-prácticas, poderán presentarse á proba ordinaria de xuño e á extraordinaria (a partir deste curso, tamén en xuño). O profesor facilitará a recuperación da materia con traballos de reforzo e orientacións metodolóxicas.

Avaliación final

A cualificación final do curso obterase da media das tres avaliacións (antes do redondeo), ponderadas do seguinte xeito, que valora a evolución do alumno durante o curso:

1ª avaliación	2ª avaliación:	3ª avaliación
30%	30%	40%

A nota final expresarase cun número enteiro. Os decimais redondearanse tendo en conta o primeiro decimal:

• se é >5, redondéase até o seguinte número enteiro
• se é <5, redondéase até o anterior número enteiro
• se é =5, redondéase até o anterior número enteiro

Se o resultado de dita media é inferior a 5, ou se perdeu o dereito a avaliación continua, o alumno/a deberá presentarse a unha proba de avaliación final, que consistirá nun exame práctico presencial.

Avaliación extraordinaria de xuño

O alumnado que non acade o aprobado en xuño, poderá presentarse a unha proba práctica a finais de xuño, nas datas previas ás que marque a Consellería para as probas ABAU de xullo.

 

Traballo 10: Copia de cinco debuxos "modernos"

Egon Schiele

R.B.Kitaj

Paula Rego

Pat Andrea

David Hockney