Interpreta a obra de Piero Della Francesca "Díptico dos Duques de Urbino" (temple sobre tabla, 1472) en DINA3 e Técnica libre. Entrega o luns 4 e martes 5 de novembro. No seguinte enlace podedes ver exemplos de traballos de interpretación doutros anos.
A tinta (con augadas para traballar o claroscuro) emprega un DINA3 para representar, nunha metade, a apariencia da tua cama. Na outra metade, debuxa cinco obxectos que te acompañen cando chega a hora de ir para a cama.
Este traballo en DINA 2 é feito na aula durante seis sesións.
Elabora un bodegón con tres ou catro elementos da cociña (cacharros e/ou alimentos). Nun DINA3, usa unha metade para facer un debuxo realista a grafito (traballa con atención a composición, a perspectiva e a valoración do claroscuro). Na outra metade fai unha síntese a tinta (boli, rotulador, plumilla ou pincel) do mesmo bodegón: emprega o menor número de liñas posible para facer recoñecible a imaxe, pero atendendo á expresividade das mesmas. Repite o exercicio noutro DINA3 empregando un punto de vista máis elevado (en total, entregaredes dous DINA3)
Data de entrega: 14 / 15 de outubro
("Sketch":Boceto, bosquexo, debuxo exploratorio)
Este
proxecto desenvolverase ao longo do curso e consistirá na elaboración
dun caderno de apuntes de -polo menos- cuarenta follas, nun formato que
rondará o DINA5 (pode ser cadrado, apaisado ou vertical), e con papel
axeitado para soportar augada (gramaxe de 160 ou máis).
Datas de entrega: 9 - 10 de decembro: 35 páxinas rematadas
2ª Entrega: 17 - 18 de marzo: 80 páxinas rematadas
Ao
longo do curso, irase enchendo de debuxos. As técnicas serán variadas,
empregando polo menos as seguintes: debuxo a lapis, tinta (boli de xel),
acuarela, tinta con augada e collage (poderanse combinar entre elas).
Seguindo as normas dos Urban Sketchers, os debuxos serán (a maioría) do natural, indicando lugar e data en cada un.
O ideal sería que houbese un debuxo diario, pero en todo caso farase un cada dous días. A data de comezo será o 1 de outubro,
e servirá como traballo cualificable, na 2ª avaliación substituirá a un
dos traballos. Na terceira avaliación
entregarase con 80 páxinas (mínimo) rematadas e poderá substituír unha das notas de exame.
As primeiras páxinas do sketchbook
recollerán -a modo de glosario- debuxos das ferramentas e materiais
empregados no libro. Valorarase a experimentación, a variedade temática,
a calidade do debuxo e a evolución ao longo das páxinas. Aquí tedes un
enlace a máis debuxos do grupo USK_España
Como práctica de cor, vas realizar un debuxo (ou máis de un se queres) seguindo as instrucións do Certame do Grupo Naturalista Hábitat.
Tamaño DINA4. Entrega o luns 30/09 ou martes1/10 (1ª clase da semana). Técnica libre (pero recoméndase empregar lápis de cor ou lápis de cor acuarelable).
Aquí tes as Bases do Certame e lembra que se queres participar realmente no certame terás que inscribirte online no seguinte ENLACE
Para facilitar o traballo poño aquí o listado de especies a elixir:
Paxara (Aglais io)
Caracoleiro espiñento (Cychrus spinicollis)
Lique de barba (Usnea hirta)
Loureiro (Laurus nobilis)
Morcego de ferradura pequeno (Rhinolophus hipposideros)
Pato chupón europeo (Aythya ferina)
Píllara dourada europea (Pluvialis apricaria)
Tordo real (Turdus pilaris)
Úbalo común (Spinus spinus)
Bufo pequeno (Asio otus)
Armiño (Mustela erminea)
Furafollas pequeno (Sorex minutus)
Ra vermella (Rana parvipalmata)
Marteliños (Narcissus cyclamineus)
Violeta brava (Viola riviniana)
Abruñeiro (Prunus spinosa)
Algúns exemplos de debuxos de cursos anteriores:
Debuxa nove obxectos cotiáns de xeito realista nun DINA3 a grafito, prestando especial atención á valoración de luces e sombras. Coida tamén a composición e a limpeza da lámina. Entrega: Cada grupo debe entregalo na primeira clase que teña na semana do 23 de setembro (luns 23 ou martes 24 dependendo do grupo).
*ATENCIÓN: O alumnado participante no intercambio con Italia poderá entregar o Traballo 1 ata unha semana máis tarde (o mesmo día da entrega do Traballo 2)
A continuación podes ver algúns exemplos de traballos de alumnado de anos anteriores:
