martes, 20 de setembro de 2022

Traballo 2. Tinta e augada "Para a cama"

 

A tinta (con augadas para traballar o claroscuro) emprega un DINA3 para representar, nunha metade, a apariencia da tua cama. Na outra metade, debuxa cinco obxectos que te acompañen cando chega a hora de ir para a cama.
Data de entrega: 27 de setembro
Aquí hai uns exemplos de traballos anteriores:
















domingo, 4 de setembro de 2022

Traballo 1. Nove obxectos

Debuxa nove obxectos cotiáns de xeito realista nun DINA3 a grafito, prestando especial atención á valoración de luces e sombras. Coida tamén a composición e a limpeza da lámina. Entrega: Martes, 20 de setembro.

A continuación podes ver algúns exemplos de traballos de alumnado de anos anteriores:












Benvidas e benvidos á clase de Debuxo Artístico II. Neste blog iredes atopando a información necesaria para non perderse nada do que fagamos no curso. Ademais do que fagamos na clase, cada martes haberá un novo traballo semanal, que teredes que entregar o martes seguinte. So se recollerán os traballos máis tarde con xustificación oficial (sen ela, haberá redución de nota). Lembrade que para comezar teredes que traer un bloc de esbozo DINA3 e se todavía tedes o bloc DINA4 de DEAI, tamén.  Comezaremos empregando lapis de grafito blando (de 4B en adiante).


martes, 14 de xuño de 2022

EXAME FINAL_ AVALIACIÓN EXTRAORDINARIA

 

Exame: Consistirá nun debuxo a carboncillo en formato DINA2 que se realizará na aula de DEA.
Aínda que a hora oficial do exame é de 11:45 a 13:15, todo o alumnado de 1º e 2º bac poderá comezar o exame ás 11:45 -se non teñen outro exame a esa hora- e disporá do tempo que precise ata as 14:45 (se remata antes poderá marcharse).

mércores, 11 de maio de 2022

Recollida de traballos de DEAII

Os traballos realizados durante o curso 2021/22 poderánse recoller os días 24, 25 e 26 de maio, na aula de debuxo artístico despois do recreo (11:45).


xoves, 31 de marzo de 2022

Traballo 15. Ilustración

 

Estudo da obra de cinco ilustradores. Entrega: xoves 21 de abril

Buscar traballos dos seguintes ilustradores, e facer unha análise das características do seu estilo.
  • Dave McKean
  • Elena Odriozola
  • Takashi Murakami
  • Paula Bonet
  • Gino Rubert
Aquí tedes un listado dos aspectos que podedes comentar:
  • Uso da liña: tipo de liña, importancia da mesma nas ilustracións, material, síntese, estilo (xeométricas, orgánicas, realistas... )
  • Uso da cor: gamas de cores, aplicación realista ou non da cor, tratamento colorista, sobrio, características...
  • Técnica (tinta, óleo, rotuladores, grafito, dixital, collage, mixta...)
  • Estilo (realista, pop, infantil...)
  • Temática
  • Composición
  • Textura, profundidade, valoración...
  • Simbolismo das imaxes
  • Influencia de estilos artísticos/artistas

E, por último, debedes elixir a un/unha dos ilustradores dados e retratar a un compañero empregando os recursos propios do ilustrador, escribindo no reverso do debuxo as características antes comentadas.

Formato: DINA3. Técnica: A máis axeitada dependendo do artista elixido. 

Deixo estas ilustracións de Paula Bonet a modo de exemplo:















 

Traballo 16. Presentación oral

 

Preparar unha presentación acerca dun ilustrador que che interese:

  • Amosar entre 6 e 10 traballos seus (traelos nun pen drive, listos para proxectar, como imaxes soltas ou nunha presentación)
  • Oralmente, facer unha introdución biográfica e profesional
  • Explicar os rasgos estilísticos propios dos seus traballos*
  • Respostar ás preguntas que se fagan durante a presentación 
*Aquí tedes un listado dos aspectos que podedes comentar:

  • Uso da liña: tipo de liña, importancia da mesma nas ilustracións, material, síntese, estilo (xeométricas, orgánicas, realistas... )
  • Uso da cor: gamas de cores, aplicación realista ou non da cor, tratamento colorista, sobrio, características...
  • Técnica (tinta, óleo, rotuladores, grafito, dixital, collage, mixta...)
  • Estilo (realista, pop, infantil...)
  • Temática
  • Composición
  • Textura, profundidade, valoración...
  • Simbolismo das imaxes
  • Influencia de estilos artísticos/artistas

Comezarán as presentacións na aula o luns 25 de abril

luns, 21 de marzo de 2022

Traballo 14. Prácticas acuarela

En 2 DINA4 (ou 1 DINA3), reproduce a 1ª e 2ª acuarelas o máis fielmente posible. Data de entrega: luns 4 de abril

Aquí tes o enlace ás acuarelas que vimos na aula.


xoves, 17 de marzo de 2022

Traballo 13. Interpretación gráfica dun texto (ABAU, Setembro 2002)

 Realizar unha interpretación do seguinte texto de Brotes ( da Antoloxía persoal de Yehuda Amichai)

 

"Púxenme un sombreiro para recordar

E todo se pechou na miña cabeza.

Quiteime un sombreiro para recordar

E os meus pensamentos voaron ó vento

Como semente que non xermina"


Técnica libre, tamaño DINA3. Data de entrega: luns 28 de marzo.

luns, 14 de marzo de 2022

mércores, 2 de marzo de 2022

Traballo 12. Anatomía artística

 

Na lámina DINA3 que se entrega na clase, debuxar o esqueleto na situación correcta dentro do corpo (fronte, espalda e perfil). Aquí tedes un Enlace a unha páxina de Pinterest con ilustracións anatómicas de varios tipos e un enlace para consultar información sobre o esqueleto e a musculatura. Técnica: lapis de cor fría (azul, violeta...). Data de entrega: xoves 17 de marzo.

luns, 21 de febreiro de 2022

Traballo 11. Mapa intervido

Intervir os mapas dados en DINA3 utilizando as seguintes imaxes de referencia tendo en conta as indicacións da diapositiva.

 

Nun mapa realizarase a figura, no outro o retrato.