Traballo 16. Presentación dun ilustrador/a

 Preparar unha presentación acerca dun ilustrador@ que che interese:

• Amosar entre 6 e 10 traballos seus (traelos nun pen drive, listos para proxectar, como imaxes soltas ou nunha presentación ou enviar nunha carpeta á aula virtual, para telas xa listas no ordenador de clase cando fagades a presentación)
• Oralmente, facer unha introdución biográfica e profesional
• Explicar os rasgos estilísticos propios dos seus traballos*
• Respostar ás preguntas que se fagan durante a presentación 

*Aquí tedes un listado dos aspectos que podedes comentar:

• Uso da liña: tipo de liña, importancia da mesma nas ilustracións, material, síntese, estilo (xeométricas, orgánicas, realistas... )
• Uso da cor: gamas de cores, aplicación realista ou non da cor, tratamento colorista, sobrio, características...
• Técnica (tinta, óleo, rotuladores, grafito, dixital, collage, mixta...)
• Estilo (realista, pop, infantil...)
• Temática
• Composición
• Textura, profundidade, valoración...
• Simbolismo das imaxes
• Influencia de estilos artísticos/artistas

Comezarán as presentacións na aula o xoves 27 de abril. A orde de presentacións será: os voluntarios poden ir expoñendo e, se non houbese voluntarios, seguiremos a orde de lista alternando desde o principio e desde o final (o 1º, o último, o 2º, o penúltimo, o 3º... etc)