Recordatorio de inscrición no Certame Hábitat

Alumnado que faltou a clase na última semana con debuxos seleccionados para a participación no Certame Hábitat:

Lembrade que a data límite para cubrir a inscrición online é hoxe, domingo, 14 de outubro.

Traballo 3. "Para a cama"

Traballo 3. "Para a cama". A tinta (con augadas para traballar o claroscuro) emprega un DINA3 para representar, nunha metade, a apariencia da tua cama. Na outra metade, debuxa cinco obxectos que te acompañen cando chega a hora de ir para a cama.Data de entrega: 15 de outubro
Aquí hai uns exemplos de traballos anteriores:

Traballo 2. Práctica de cor_Certame Hábitat

Para o segundo traballo, teredes que presentar (como mínimo) dous debuxos a cor, seguindo as bases do certame de debuxo da natureza do grupo Hábitat.
Entrega: luns , 1 de outubro.

• Formato DINA4 (horizontal ou vertical) en papel Basic ou de acuarela
• A cor, empregando algunha/s das seguintes técnicas: acuarela, tinta + acuarela, lapis de cores ou rotuladores.

En cada debuxo representaredes a un exemplar das seguintes especies:

1. Chuchameles ( Lonicera periclymenum)
2. Caracol de Quimper ( Elona quimeriana)
3. Gato bravo ( Felis sylvestris)
4. Señoriña dos brañais ( Euphydryas aurinia)
5. Avelaíña ( Lasiocampa quercus)
6. Leirón careto (Eliomys quercinus)
7. Sapiño comadrón ( Alytes obstetricans)
8. Gaio (Garrulus glandarius)
9. Azor (Accipiter gentilis)
10. Ferreiriño rabilongo (Aegithalus caudatus)
11. Ferreiriño azul (Cyanistes caeruleus)
12. Acivro (Ilex aquifolium)
13. Xilbarbeira (Ruscus aculeatus)
14. Estripeiro (Crataegus monogyna)
15. Bugallo ( Andricus kollari)
16. Cárabo galego (Carabus galicianus)

Por detrás de cada debuxo, a lapis, deberá indicarse:

• Nome e apelidos completos do autor/a
• Título da obra
• Especie elixida 

Se queredes participar no certame, despois de entregados os traballos na aula, teredes que facer unha inscrición online, déixovos aquí o enlace ás Bases do certame e ao formulario de inscrición.

Traballo1. Nove obxectos cotiáns

Traballo 1. Debuxa nove obxectos cotiáns nun DINA3 a grafito, prestando especial atención á valoración de luces e sombras. Entrega: 24 de setembro (excepto alumnado de 2ºF que poderá entregalo o 1 de outubro, xunto co traballo 2)
A continuación podes ver algúns exemplos de traballos de alumnado de anos anteriores:

COMEZO DO CURSO 2018 / 2019

Benvidas e benvidos á clase de Debuxo Artístico II. Neste blog iredes atopando a información necesaria para non perderse nada do que fagamos no curso. Ademais do que fagamos na clase, cada luns haberá un novo traballo semanal, que teredes que entregar o luns seguinte. So se recollerán os traballos máis tarde con xustificación oficial (sen ela, haberá redución de nota)  Lembrade que para comezar teredes que traer un bloc de esbozo DINA3 e se todavía tedes o bloc DINA4 de DEAI, tamén.  Comezaremos empregando lapis de grafito blando (de 4B en adiante).

Catálogo Ilustradas: Presentación e entrega de premios

Finalmente, o Catálogo de Ilustradas fíxose con 50 ilustracións, das cales 10 son de alumnas (si, si, todas mulleres) de Adormideras.

Tanto entrega de premios como a presentación e entrega do Catálogo Ilustradas ao alumnado cuxa ilustración figura no catálogo, terá lugar nun acto que se celebrará o vindeiro venres 22 de xuño ás 11:30 h na Sala Juanjo Gallo da Deputación da Coruña, situada na Avda do Porto, num 2.

Durante o acto farase tamén entrega de tres premios patrocinados, achega dos

establecementos colaboradores no proxecto: Sutega (A Coruña), A vella fábrica de lápis (Ferrol) e Altaira (Santiago de Compostela).

A continuación, deixo o listado de ilustracións (e as súas autoras) que van no catálogo.

EXAME FINAL

O  exame final de DEAII consistirá nun debuxo clásico a carboncillo en papel axeitado tamaño DINA2 e terá lugar na aula de debuxo o venres 18, de 12:45 a 14:25

Alumnado que debe presentarse ao exame

2ºB

• Arnoso, Isabel
• Díaz, Jorge

2º C 

• Cabarcos, Aarón
• Carracedo, Paula
• Fernández, Daniel
• Roel, Yasmina
• Soto, Laura
• Toja, Víctor

2ºD

• Castro, Laura
• Lijó, Isis
• Seoane, Marcos

Traballo 19. Presentación de ilustradores

Preparar unha presentación acerca dun ilustrador que che interese:

• Amosar entre 6 e 10 traballos seus (traelos nun pen drive, listos para proxectar, como imaxes soltas ou nunha presentación)
• Oralmente, facer unha introdución biográfica e profesional
• Explicar os rasgos estilísticos propios dos seus traballos (ver o listado de posibles aspectos a tratar nas instrucións do traballo 18)
• Respostar ás preguntas que se fagan durante a presentación

Comezarán as presentacións na aula o mércores 2 de maio

Traballo 18. Introdución á ilustración

Estudo da obra de cinco ilustradores. Entrega: luns 23 de abril

Buscar traballos dos seguintes ilustradores, e facer unha análise das características do seu estilo.

• Dave McKean
• Elena Odriozola
• Takashi Murakami
• Paula Bonet
• Gino Rubert

Aquí tedes un listado dos aspectos que podedes comentar:

• Uso da liña: tipo de liña, importancia da mesma nas ilustracións, material, síntese, estilo (xeométricas, orgánicas, realistas... )
• Uso da cor: gamas de cores, aplicación realista ou non da cor, tratamento colorista, sobrio, características...
• Técnica (tinta, óleo, rotuladores, grafito, dixital, collage, mixta...)
• Estilo (realista, pop, infantil...)
• Temática
• Composición
• Textura, profundidade, valoración...
• Simbolismo das imaxes
• Influencia de estilos artísticos/artistas

E, por último, debedes elixir a un/unha dos ilustradores dados e retratar a un compañero empregando os recursos propios do ilustrador, escribindo no reverso do debuxo as características antes comentadas.

Formato: DINA3. Técnica: A máis axeitada dependendo do artista elixido.

Traballo 17. Prácticas acuarela 1 e 2

En 2 DINA4 (ou 1 DINA3), reproduce a 1ª e 2ª acuarelas o máis fielmente posible, deixando un espazo branco arredor do debuxo e pinceladas da paleta empregada. Data de entrega: xoves 12 de abril