luns, 31 de marzo de 2025

Traballo 19. Parte teórica do exame PAU.

Partindo do exame de exemplo que envía a CIUG para a proba PAU de debuxo artístico, dá resposta ás tres preguntas teóricas, tendo en conta as instrucións da CIUG:

"Nestas cuestións o estudante deberá facer un comentario dunha extensión aproximada de 12 liñas ou 200 palabras" (por cada pregunta)  e tamén que á hora de corrixir "teranse en conta os seguintes aspectos:

- A capacidade de reflexión sobre o proceso creativo desde o boceto ata a realización da obra.

- A capacidade de análise sobre a obra e a cuestión proposta.

- A claridade expositiva."

Entrega pola aula virtual no apartado "Entrega de traballos" antes das 15:00 h. do sábado 5 de abril.


venres, 7 de marzo de 2025

Traballo 17_ Exploración do Impresionismo

Despois de ver a presentación feita por Belén ("Percibindo a Arte", para consultala está na aula virtual de debuxo no apartado de Historia da Arte ) debuxar do natural (ou a partir de fotos propias) unha paisaxe en catro momentos diferentes á maneira dos impresionistas, cos cambios de luz e cor que se aprecien. 

Haberá que escribir un comentario sobre a propia obra de mínimo 60 palabras e máximo unha páxina, que pode ir escrita directamente na parte traseira do traballo.*

As fotos empregadas como referencia e as fotos dos apuntes a acuarela feitos na praia deberán entregarse pola aula virtual, nun so documento en pdf.

Técnica: calquera non dixital semellante ao acabado dos cadros impresionistas (acuarela, témpera, acrílico, rotulador de punta ancha-branda...)

Formato: Nun DINA3 situar as catro imaxes, que serán de igual tamaño entre elas (aprox.DINA5)

Data de entrega: 2ºD,E,F: 17 de marzo, 2ºC e 2ºG: 18 de marzo (2ºC e G teñen saída cultural o 18, pero entregarán o traballo en conserxería antes de saír).

*Axuda para realizar o comentario. Podedes facervos as seguintes preguntas:

  • Que transmite o lugar elixido? E a obra (cores, formato...)?
  • Cambia a sensación/mensaxe transmitidas en cada unha das pezas?
  • Sucede algo diferente no espazo representado en cada imaxe? (se non é así... Que imaxinas que podería ter sucedido nese espazo nos diferentes momentos?)
  • Por que elixes este espazo e non outro?


Aquí tedes un exemplo de 6 das 30 obras que fixo Claude Monet da fachada da Catedral de Rouen.









mércores, 19 de febreiro de 2025

Traballo 16. Prácticas de acuarela

 

En 2 DINA4 (ou 1 DINA3), reproduce a 1ª e 2ª acuarelas o máis fielmente posible. Data de entrega: 6 / 7 de marzo (1ª clase despois de Entroido)

Aquí tes o enlace ás acuarelas que vimos na aula.


martes, 28 de xaneiro de 2025

Traballo 14. Bodegón cubista

 

Realizar un bodegón da clase de debuxo a partir dos apuntes realizados tendo en conta as premisas básicas do cubismo: diversidade de puntos de vista e paleta reducida. Técnica libre non dixital (acuarela, acrílico, ceras, collage, mixta...)  DINA3. Entrega: 17 / 18 de febreiro.

A continuación tedes algúns exemplos de bodegóns cubistas:











luns, 13 de xaneiro de 2025

Traballo 13. Autorretrato (ou retrato dun compañeir@) a mancha

Empregando a técnica de retrato a mancha que vimos nas últimas clases, fai un autorretrato (ou o retrato dun compañeiro/a que teña debuxo artístico). O parecido valorarase pero non é o máis determinante, importando máis a expresividade, a composición e o emprego do clarescuro. Podes empregar carboncillo ou/e carbón prensado, goma, esponxa... e non esquezas FIXALO ANTES DA ENTREGA

Tamaño: DINA3

Datas de entrega: 27 / 28 de xaneiro

Se queres revisar o titorial que vimos na aula, preme no seguinte enlace.

E deixo tamén este outro titorial do mesmo artista.

A continuación, algúns exemplos desta técnica:










sábado, 11 de xaneiro de 2025

Traballo 12_ Práctica PAU

A partir do que che inspiren o fragmento literario de Brodsky e a obra de Monet, realiza un debuxo creativo de técnica libre. Tamaño: DINA3

Entrega:20 / 21 de xaneiro

TEXTO:


“El cielo es de un brillante azul; el sol, que oculta su apariencia dorada bajo el pie de San Giorgio, se desliza sobre las incontables escamas del oleaje de la laguna (…) A la hora de la puesta de sol (…). Los relieves se vuelven más flexibles, las columnas más rotundas, los capiteles más rizados (…)”.

 
BRODSKY, Joseph (2005): Marca de agua. Madrid: Siruela, páxs. 65-66.


CLAUDE, Monet (1908): Grand Canal, Venice. Óleo sobre tea, 73.7 x 92.4 cm. Museum of Fine Arts Boston.
 

martes, 7 de xaneiro de 2025

PREMIOS DO CERTAME DE DEBUXO DE NATUREZA HÁBITAT

 

ATENCIÓN: Nas redes sociais do Grupo Naturalista Hábitat (de momento, en Instagram) foron  publicados os gañadores de cada unha das 16 especies debuxadas. Entre eles, doce son debuxos de alumn@s de 2º de Bacharelato de Artes do Instituto Adormideras, incluíndo os tres premios con dotación económica:

1º premio: Carmela Casás (2ºC)
2º premio: Lucía Fuentes (2ºG)
3º premio: Eduardo Riveriego (2ºE)

Os demáis gañadores son: Jimena Lechuga, Eduardo Núñez, Caty Pérez, Erika Moure, Claudia Cotrofe, Paula Martínez-Risco, Alex Cárdenas, Aroa Losada e Aleixo Pérez.

Noraboa a todas e todos!!!

luns, 16 de decembro de 2024

Traballo 11. Mans e pés.

Cinco debuxos realistas a grafito en DINA4: tres debuxos da man que non empreguedes para debuxar en posicións de plano (palma ou dorso) puño e escorzo e dous debuxos do voso pé en dúas posicións diferentes. Os debuxos da man deben ser DO NATURAL (non de foto). Para os pés pódese usar a fotografía, se é imprescindible. Cada un dos debuxos ocupará un formato DINA4 completo (unha man nun DinA4, outra noutro...etc) Na aula adicaremos algunha sesión a este traballo antes das vacacións de Nadal.

Data de entrega: Na primeira clase á volta do Nadal (8 / 9 de xaneiro).

Exemplo do traballo:





Traballo 10. Cónica oblicua

Practica a perspectiva cónica oblicua seguindo os titoriais que tes a continuación e presenta as dúas casas nun único DINA3 (ou cada casa nun DINA4, o que prefiras). A cor pode ser a acuarela, rotulador ou lápis de cor.

casa3

casa4

Entrega: na primeira clase á volta das vacacións de Nadal (8 / 9 de xaneiro))

venres, 29 de novembro de 2024

Traballo 9. Ilustración inspirada na visita ao Acuario

Despois da vosa recente visita ao Acuario, debedes enviar un pdf á aula virtual coas fotos dos bocetos que fixestes alí. Ademais, faredes un traballo en DINA3 sobre papel, coa técnica non dixital que elixades. Mellor se é só imaxe, pero se queredes incluír un texto deberá ser curto e cun tratamento artístico (tipografía coidada, equilibrada, etc.) O traballo é libre, plantexade unha ilustración en horizontal ou vertical inspirado pola experiencia do Acuario e que teña relación co mesmo (podería ser unha portada para un libro sobre o océano, un cartel con temática submarina ou o que se vos ocorra nesta liña)

Data de entrega: Data límite para os bocetos pola Aula Virtual o domingo 8 de decembro (ata as 23:59 h). Ilustración: luns 9 / martes 10 de decembro na aula.