Resposta a dúbidas que van xurdindo nesta etapa de confinamento

Hola a todas e todos, antes de nada, espero que vós e as vosas familias estén ben.
Agora, imos ao tema: estou recibindo moitos correos cos traballos feitos, avaliareinos o mellor que poda, dadas as circustancias, pero supoño que sabedes que a Consellería deu ordes de seguir coas clases telemáticamente e 2º Bac é o único curso de momento no que os profesores debemos avaliar o voso traballo para darvos unha nota final. Algúns de vós estades a comentarme prolemas e dúbidas, así que intentarei ilas resolvendo nesta entrada do blog, que irei actualizando según xurdan outras novas.

1. Non teño material para facer as acuarelas
Estamos nunha circunstancia excepcional, así que é entendible que algúns no teñades material. As acuarelas imaxino que sí, pero se non tedes papel de acuarela buscade unha alternativa: A parte de atrás de outros traballos, cartulina, sketchbook, folios... Eu cambiarei a orde dos contidos para poder traballar baixo mínimos.
2. Estou enferma/o
O prioritario agora é coidarse (non o usedes como truco porque o que non facedes agora teredes que facelo para a recuperación). Eu mesma levo seis días con febre e baixei moito o ritmo de traballo. As datas de entrega, que antes eran fixas, agora teñen certa flexibilidade, prefiro que as fagades con calma a que entreguedes unha chapuza feita con agobio, así que podedes contar coa semana enteira para entregar, até o venres.
3. Teño moito traballo de outras materias
As materias que van a ABAU teñen prioridade nestas circunstancias, aínda que DEAII terá unha nota que fará media coas demáis. Seguiremos traballando, pero baixando un pouco o ritmo.
4. Non me entran os comentarios neste Blog
Xa me dixeron varios alumnos que non entraban ou que eu non contestaba, É certo, vou variar a configuración a ver se vai mellor, pero os mails entran inmediatamente no meu móbil e se teño que dar unha resposta común fareino nesta entrada.
Un saúdo e sede prudentes, esta pandemia necesita un esforzo colectivo.
5. Que imos facer co sketchbook? 
O ideal sería corrixilo en directo, pero se vemos que a primeiros de maio non confirman unha volta ás aulas de 2º Bac antes do remate de curso (o máis probable) indicareivos cómo entregalo a distancia. Teño que facer algunha proba, pero seguramente pedireivos un vídeo curto pasando vós mesmos as páxinas para compartirlo comigo por Drive.

ENTREGA DE TRABALLOS POR CORREO

Debido á extensión do Estado de Alarma, a entrega dos traballos 18 e 19 terá que facerse por correo electrónico. Teredes que enviar unha foto de cada debuxo nun mesmo correo á miña conta de Gmail ou escanealo con Google Drive se preferides:
mariaalvarez@iesadormideras.es
A data de entrega segue a ser o 30 de marzo
Estoume poñendo ao día co uso das Aulas Virtuais por se nos resultase máis útil como canle de comunicación, xa vos avisarei se hai cambios.

Chéganos unha oferta de cursos online gratuítos para estudantes de 1º e 2º de bacharelato. Son para programar videoxogos e animación 2D/3D. Deixo aquí o enlace por se algún de vós está interesada/o.

Traballo 19. Prácticas de acuarela do natural e na casa

Esta semana deberíamos estar practicando o debuxo do natural coas nosas acuarelas nos arredores do Instituto. Como non pode ser, teremos que facelo do "natural" que nos rodea. O Traballo 19, para esta semana, consiste en facer tres acuarelas do natural:
- Unha dun bodegón -froitas, tazas, botellas, etc - e cunha técnica clásica (só acuarela, sen liñas a tinta)
- Outra, a vista desde un lugar da casa que permita ver o exterior con contornos de tinta (exemplo abaixo: vista desde o meu sofá)
- Outra libre, pode tamén ser un apunte rápido.
Lembrade que se debuxades a tinta antes de dar a cor haberá que asegurarse de que esta é waterproof para evitar manchas ao engadir a acuarela.
Teredes que empregar papel de acuarela, non é necesario que sexa un formato grande (entre DINA5 e DINA4, é dicir: o lado menor da folla medirá como mínimo 15cm e o maior como máximo 30cm).

Estas tres non se farán no Sketchbook e OXALÁ sexa posible entregalas en man o vindeiro luns 30 de marzo. Se non o é xa vos indicarei cómo entregalas de xeito virtual.
Déixovos aquí o enlace a PINTEREST para que botedes un ollo antes de facer o traballo.

Todos os que estades no proxecto Sketchbook aproveitade para practicar debuxando as cousas que vos rodean e escribide as sensacións e pensamentos que vos rondan (coidade a tipografía e o aspecto da parte escrita), ésta é unha situación sen precedentes e o debuxo e a escritura dan unha vía de escape ao desacougo. Coidádevos moito!!!

Engado aquí algúns dos mellores debuxos entregados:

Recuperación de Avaliacións suspensas

Para recuperar a 1ª e/ou 2ª Avaliación haberá que entregar os traballos non entregados ou cunha nota inferior ao 5 na semana do 20 ao 24 de abril. Os que teñan suspenso pola nota dos exames terán que presentarse ao exame final de curso (figura a carboncillo en DINA2) nas datas que fixe o centro máis adiante.
Aquí tedes a táboa co alumnado que debe recuperar algunha avaliación:

Traballo Voluntario. Certame Hábitat 2020

Como xa coñecedes a mecánica do Certame Hábitat, colgo aquí as Bases do concurso deste ano 2020. Non é obrigatorio, pero quen queira participar, presentará cando nos reincorporemos ás clases normais (e antes do 30 de abril) un mínimo de dous debuxos a DINA4 e en técnica libre. Na materia de DEAII poderá supor unha puntuación extra para a 3ª Avaliación de 1 punto (máximo 0,5 puntos cada debuxo).

Traballo 18. Prácticas de acuarela

En 2 DINA4 (ou 1 DINA3), reproduce a 1ª e 2ª acuarelas o máis fielmente posible, deixando un espazo branco arredor do debuxo e pinceladas da paleta empregada. Data de entrega: Luns, 16 de marzo AVISO: A entrega queda aprazada para o día 30 pola suspensión de clases decretada polo Goberno
Déixovos aquí uns "trucos" básicos para a acuarela.