venres, 29 de marzo de 2019

Traballo 14. Presentación oral

Preparar unha presentación acerca dun ilustrador que che interese:

  • Amosar entre 6 e 10 traballos seus (traelos nun pen drive, listos para proxectar, como imaxes soltas ou nunha presentación)
  • Oralmente, facer unha introdución biográfica e profesional
  • Explicar os rasgos estilísticos propios dos seus traballos*
  • Respostar ás preguntas que se fagan durante a presentación 
*Aquí tedes un listado dos aspectos que podedes comentar:

  • Uso da liña: tipo de liña, importancia da mesma nas ilustracións, material, síntese, estilo (xeométricas, orgánicas, realistas... )
  • Uso da cor: gamas de cores, aplicación realista ou non da cor, tratamento colorista, sobrio, características...
  • Técnica (tinta, óleo, rotuladores, grafito, dixital, collage, mixta...)
  • Estilo (realista, pop, infantil...)
  • Temática
  • Composición
  • Textura, profundidade, valoración...
  • Simbolismo das imaxes
  • Influencia de estilos artísticos/artistas

Comezarán as presentacións na aula o martes 30 de abril

venres, 22 de marzo de 2019

Traballo 13. Probas de acuarela

PROBAS DE ACUARELA. En papel de acuarela, facer as seguintes prácticas:


Formato: 1 DINA3 ou 2 DINA4 (papel de acuarela). As probas guiadas son as que aparecen aquí arriba (DINA4) con outro formato igual faranse as nove probas libres. ENTREGA: Venres, 29 de marzo

Traballo 12.Exploración do baleiro na acuarela

Nun papel de acuarela DINA4 representar unha paisaxe que sexa un refuxio emocional. Elixir conscientemente as zonas que se deixarán en branco, como representación gráfica do baleiro. Técnica: acuarela. Pódense usar as cores que se queiran. Entrega o mércores 27.

mércores, 13 de marzo de 2019

Traballo 11. Introdución á acuarela

Neste traballo, que corresponde á Unidade Didáctica desenvolvida pola profesora en prácticas, Verónica, teredes que:

Partindo dunha mancha azarosa de acuarela construír unha imaxe figurativa tendo en conta os aspectos básicos da formación da imaxe (coherencia compositiva, harmonía, integración figura-fondo...). Potenciar a experimentación antes que a busca dun resultado preconcebido. Haberá que documentar o proceso fotográficamente e entregar as fotos na carpeta da profesora:
veronica.fachal.1303@gmail.com

DINA4. Acuarela. Data de entrega: 15 de marzo (se se fixese folga, o 14), excepto no caso de 2ºE, que entregarán o 20 de marzo.